Phuahtu: Mka Chawngthu
Satu: Joseph Zaihmingthanga
Zing tian lenkawl a lo eng a,
Hram thiam vaten siamtu fakin;
Rawl mawi an chhuah thinlai a fan,
Aw, an mawi ngei e.
Chutin kei pawh an iangin,
Sirva zaimawi ka zawm ve a;
Vanrang chhum leh virthlileng ten,
I ropui zia an hril.
Kan fakin kan chawimawi che,
Fakna hla kan rawn hlan e;
Kan theihna zawng zawng te hi,
Aw, i ropui nan.
Nangmah faka zaivawr hi,
He ka damchhung reiloteah hian;
Ka ning lo’ng e, aw, Isu,
Fak tlak Pathian i ni.
He ka taksa leh thlarau hi,
I hming ropui nan ni se;
Ka aw leh theihna zawng hi,
Aw, i ropui nan.
Kan fakin kan chawimawi che,
Fakna hla kan rawn hlan e;
Kan fakin kan chawimawi che,
Fakna hla kan rawn hlan e,
Kan theihna zawng zawngte hi,
Aw, i ropui nan,
Aw, i ropui nan.
